Жаңа Конституция жобасы отбасы институтын нығайтады

Отан отбасынан басталады. Жаңа Конституция жобасында әр шаңырақтағы жауапкершілік пен міндеттердің нақты белгіленуі қоғамдағы ауызбіршілікті арттырады. Ата-ананың баланы тәрбиелеп, кәмілет жасындағы баланың ата-анаға қамқорлық жасауы Ата заңда міндеттелуі отбасы институтының нығаюына жол ашады. Мамандар осындай пікірде.
Бекдайыр Күзембай, «Әкелер одағы» РҚБ төрағасының орынбасары:

Дәстүрлі өзіміздің отбасы институтын қалыптастыру ежелден келе жатқан өзіміздің ұстанымымыз. Ер азаматтар ешқашан әйел азаматтарға зорлық-зомбылық көрсетпеген ата-бабаның ұрпағымыз. Сондықтан бұл жерде дұрыс түсіну керек. Тең құқылы дегеніміз тұрмыстық зорлық зомбылықтан қорғану және баланың қауіпсіздігіне аса мән беру. Баланың қауіпсіздігі қазір біздің мемлекетіміз үшін өте маңызды. Сондықтан да жаңа Ата заңымызға сол норма енгізілді.