Ш.Сарыбаевтың еңбектері жиналған кітаптар таныстырылды

«Ғалым. Ғылым. Ғибрат». Дәл осындай атпен белгілі академик, қазақ тіл білімінің көрнекті өкілі Шора Сарыбаевтың еңбектері жиналған кітаптардың тұсаукесеріне арналған жиын өтті. «Қазақ тіл танымының өзекті мәселелері» атты қостомдық кітаптың 1-томында диалектология, лексикология және лексикография салалары, ал 2-томында қазақ тіл білімінің тарихы, тіл мәдениеті, грамматикасы мен стилистикасы және тағы басқа салалары қамтылған. Кездесуде қоғам қайраткерлері мен ғалымдар және университет өкілдері басқосты. Бүгінде Ұлттық академиялық кітапханада «Шора Сарыбаевтың кітап қоры» бар. Ол жерде 5 мыңнан астам құнды кітап сақталған.