Президент АҚШ-қа жұмыс сапарымен барады

Мемлекет басшысы жұмыс сапарымен Америка Құрама Штаттарына барады. Бұл туралы Ақорданың телеграм арнасы хабарлады. 18-19 ақпан күндері Қасым-Жомарт Тоқаев АҚШ Президенті Дональд Трамптың шақыруымен Бейбітшілік кеңесінің алғашқы отырысына қатысу үшін Вашингтонға барады. Саммит барысында Газа секторындағы ахуалды тұрақтандыру мәселесіне баса мән беріледі. Сонымен қатар сапар аясында Президент америкалық ірі компаниялардың жетекшілерімен бірқатар кездесу өткізеді.