Сайыса жүріп, экологиялық сауатын арттырды

1. Оралда «Таза Қазақстан» акциясы жаңа форматта ұйымдастырылды. Бұл жолғы іс-шара әдеттегіден бөлек, квест ойыны түрінде өткізілді.

«EcoFuture: Таза Қазақстан» сайысында қаладағы 9 колледждің студенттері сынға түсті. Жарыс шарты бойынша орталық саябақтың түкпір-түкпіріне түрлі белгілер қойылды. Топ-топқа бөлінген сайыскерлер жасырын белгіні тез анықтап, қысқа уақытта дұрыс шешім табуы керек. Берілген тапсырмаларда қоршаған ортаға қатысты экологиялық тақырыптар кеңінен қамтылған. Жылдамдық пен тапқырлық таразыға түскен квест ойынында студенттер білімін арттырып қана қоймай, өзара бірлігін де бекемдеді.