Қоғамдық кеңестердің үйлестіру орталығы жаңа Конституция жобасын пысықтады

Мәдениет және ақпарат министрлігі жанындағы Қоғамдық кеңестер үйлестіру орталығының кезекті отырысы жаңа Конституция жобасына арналды. Республикалық және өңірлік қоғамдық кеңестердің төрағалары, Үйлестіру орталығының мүшелері мен уәкілетті мемлекеттік органдардың өкілдері өзара пікір алмасты. Жиында жаңа жобаның мазмұны жан-жақты қаралды. Қатысушылардың пікірінше, жаңа құжат азаматтық қоғам институттарының рөлін күшейтуге бағытталған. Олар жаңа Конституция жобасы қоғам мен мемлекет арасындағы сенімді нығайтуға мүмкіндік береді дейді.