АҚШ-та қар көшкінінен 9 шаңғышы қаза тапқан

АҚШ-тың Калифорния штатының Сьерра-Невада тауында қар көшкіні кезінде жоғалып кеткен 9 шаңғышының сегізінің мәйіті табылды. Жергілікті билік өкілдерінің мәлімдеуінше, көшкін кезінде алты адам құтқарылған.

Бұл топ үшкүндік экскурсияны аяқтап, үйлеріне қайтар шақта қар көшкініне тап болды. Оларға тауда қауіпті жағдай қалыптасқанын Сьерра көшкін орталығы күні бұрын ескерткен. Соған қарамастан төрт гид бастаған шаңғышылар саяхатқа аттанып кеткені белгілі болды.