Газа халқы үйінділер арасында ауыз ашты

Соғыстан күл-талқаны шыққан Газа секторының тұрғындары бірінші ауызашарды қираған ғимараттардың ортасында өткізді. Палестиналықтар үйінділердің арасында жайылған ұзын үстелдің басына жиналды. «Қасиетті Рамазан айының алғашқы ауызашарын қираған үйлеріміздің алдында жасауды жөн көрдік», - деді газалық Мұхаммед әд-Даба журналистерге берген сұхбатында. Қарулы қақтығыс 2023 жылы қазанның 7-де еврей мемлекетінің оңтүстігінде «хамастықтардың» шабуылынан кейін басталды. Ол кезде 1200 адам қаза тапқан еді. Содан бері былтырғы қазан айына дейін Израиль армиясы жасаған шабуылдардан бұл анклавта 72 мың палестиналық мерт болған.