Қостанайдағы жаңа зауыт айына мың тоннаға жуық қоқысты өңдейді

Қостанайда жаңа зауыт айына мың тоннаға жуық қоқысты қайта өңдейді. Ауқымды жоба «Таза Қазақстан» бағдарламасы аясында 6 млрд теңгеден астам қаражатқа, «Жасыл даму» акционерлік қоғамының қолдауымен жүзеге асты. Кәсіпорында қатты тұрмыстық қалдықтар, макулатура және тетра пак сияқты шикізатты өңдейтін 7 өндірістік желі жұмыс істейді. Мұнда майлық, дәретхана қағазы, жұмыртқаға арналған қағаз қораптар секілді бірнеше өнім түрі шығарылады.

Айына екі жүз тонна Tetra Pak қалдықтарын қайта өңдеуді көздеп отырмыз. Жалпы, ел бойынша бұл өнім түрін қабылдайтын әзірге біз жалғыз кәсіпорынбыз. Термо түбіртек қағаздарын да шығару жоспарда бар. Жалпы, біздің өнімдеріміз Қазақстанның бүкіл аумағын қамтуы тиіс. Сонымен қатар алыс-жақын шетел экспортына да шығатын үлкен мақсатымыз бар.