Ақтөбеде «Жаңа Ата заң және жалпыұлттық құндылықтар» форумы өтті

Ақтөбеде мыңға жуық жастың басын қосқан «Жаңа ата заң және жалпыұлттық құндылықтар» деген атаумен форум өтті.

Шараға әр түрлі салада жетістікке жеткен, қоғам өміріне белсене араласып жүрген азаматтар келді. Олар тәжірибе бөлісіп, жастарды Мемлекет пен Ата заңды құрметтеуге шақырды. Кездесу барысында Конституцияның жаңартылған жобасы, оның мән-маңызы талқыланды. Құдайберген Жұбанов атындағы Ақтөбе өңірлік университетінің басшылығы мұндай шаралардың студенттер үшін мәні зор екенін айтты

Нарқозы Қартжан, Қ.Жұбанов атындағы Ақтөбе өңірлік мемлекеттік университетінің проректоры:

Университет кез келген өңірде ғылымның, білімні, инновацияның ортасы болғандықтан көшбасшы ойлардың ортасында жүруі керек. Әріптестеріміз толықтай қолдап отыр. Әріптестеріміз облыстық, қалалық штаб құрамында өз ойларын білдіріп, түсіндіру жұмыстарын жүргізіп жүр.