Жалпыұлттық коалиция мүшелері Жамбыл облысы халқымен тілдесті

«Жаңа Конституция жобасы саяси жүйенің сәулетін қоғам сұранысына сай қайта жаңғыртады». Осылай деген Республикалық Жалпыұлттық коалиция мүшелері Жамбыл облысының аудандарын аралап, тұрғындармен пікірлесті.

Мәжіліс депутаттарынан тұратын топ алдымен Шу ауданындағы «Шу локомотив депосы» мекемесінде темір жол саласының қызметкерлерімен кездесті. Теміржолшыларға алдағы референдумның маңызы түсіндірді. Сондай-ақ, коалиция мүшелері Қосқұдық орман шаруашылығына барып, аудан ардагерлерімен де кездесті. Жаңа Ата Заң жобасын түсіндірді.    

Гүлдара Нұрымова, Мәжіліс депутаты:

Мына өзгерістер, толықтырулар енгізіліп жатыр, жаңа Конституцияға. Осы баптар бойынша, бөлімдер бойынша толық ақпарат беріп, пікір алмасып, барлық ұсыныстарды тыңдап, өте белсенді кездесулер болды.