Таулы аймақтарда сел жүруі ықтимал

Өзбекстанның таулы аймақтарында апта басынан бері жеті бірдей қар көшкіні тіркелді. Әсіресе Ташкент пен Наманган облыстарында қауіп әлі де сейілмей тұр.

Ал Қазақстанмен шектесетін Жызақ облысында жауын-шашынның көп болуы салдарынан сел жүрген. Табиғи апаттан 30-ға тарта үй мен қора-жай бүлінді. Синоптиктердің болжамынша, толассыз жаңбыр алдағы күндері де жалғасуы ықтимал. Төтенше жағдай қызметінің өкілдері тұрғындар мен саяхатшыларға ескерту жариялады. Адамдарды тауға шыққанда мейлінше сақ болуға шақырады.