Президентке Рамазан айының басталуына орай құттықтау жеделхаттары келіп түсті

Президент Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшылары мен халықаралық ұйымдардың жетекшілері атынан құттықтау жеделхаттары келіп түсті. Мемлекет басшысын Өзбекстан, Біріккен Араб Әмірліктері, Иран, Мысыр, Палестина президенттері құттықтаған. Сонымен қатар Дубай әмірлігінің билеушісі, Марокко Королі, Кувейт Әмірі, ИСЕСКО ұйымының Бас директоры және тағы басқа лауазымды тұлғалар атынан құттықтау жеделхаттары келді. Ақорда Президенттің атына құттықтау жеделхаттары әлі де келіп түсіп жатқанын хабарлады.