Жаңа Ата Заң – уақыт талабы

Конституцияның жаңа жобасы халықтың сұранысы мен заманның талабынан туған қажеттілік. Ата Заңның ескірген нормалары жаңғырып, жаңа тармақтардың қосылуы бұл мемлекеттің әрі қарай дамуына жол ашады.

Сыр өңіріне жұмыс сапарымен келген Сенат және Мәжіліс депутаттары қала іргесіндегі Тасбөгет кентіне барып, жергілікті тұрғындармен кездесті. Халық қалаулылары республикалық референдумға ұсынылған Конституцияның баптары мен тармақтарын кеңінен түсіндірді. Депутаттар басты құжатта адами капиталды дамытуға басымдық берілгеніне ерекше тоқталды. Жиында көпшілік ой-пікірін ортаға салып, сұрақтарға тұщымды жауап алды.