Алматыда 1 млн-нан аса адам дауыс беруге құқылы

Алматыда алдағы республикалық референдумға қатысуға құқылы азаматтардың саны 1 миллион адамнан асты. Бұл туралы Референдумның Орталық комиссиясы отырысында қала әкімдігі аппаратының жетекшісі Ерлан Исабеков хабарлады. Оның айтуынша, тізімдер заң талаптарына сәйкес жеке деректерді қорғау нормаларын сақтай отырып, референдум учаскелеріне жолданған. Қала тұрғындары өздерін тізімнен 0318 бірыңғай байланыс орталығы немесе арнайы Telegram-бот арқылы тексере алады. Сонымен қатар әкімдіктің ресми сайты арқылы да көруге болады. Алматыда референдум өткізу үшін 9 аумақтық комиссия мен 654 референдум учаскесі жұмыс істейді.