Пәкістан әуе күштерінің соққысынан ондаған адам қаза тапты

Пәкістан армиясы Ауғанстанның Нангархар провинциясына әуеден соққы берді. Шабуылдан ондаған адам қаза тапқан. Олардың ішінде әйелдер мен балалар бар. Оқиғаны тәліптер үкіметі де, ресми Исламабад та растап отыр.

Пәкістан бұл операцияны өз жерінде жарылыстар жасаған содырларды жою мақсатында ұйымдастырғанын мәлімдеді.  Кабул болса, қарулы топтарға Ауғанстан территориясында Пәкістан әскеріне шабуыл жасауға  рұқсат етті деген ақпаратты үнемі жоққа шығарып келеді.

Қазір көршілес мемлекеттер арасындағы жағдай шиеленісіп тұр. «Талибан» Пәкістанға уақыты келгенде жауап қайтаратынын ескертті.