Қостанайды мектеп ұжымына жаңа Ата Заң жобасы түсіндірілді

Қостанайда «Әділетті және Прогрессивті Қазақстанның Халықтық Конституциясы үшін!» атты өңірлік коалиция мүшелері халықпен жиі кездесіп, жаңа Ата Заң жобасын түсіндіріп жатыр. Бүгін жергілікті штаб өкілдері мектеп ұжымымен жүздесіп, басты құжаттағы негізгі бағыттарды талқылады. Жиынға қатысқан білім саласының қызметкерлері азаматтардың құқығы, білім мен ғылым қағидаттары жайлы өз пікірлерін ортаға салды.

Қалқаман Жақып, коалиция мүшесі:

Біздің мемлекетіміз тарихи үлкен өзгерістің алдында тұр. Қоғамымыздың талабынан келіп отырған нәрсе. Конституциямыздың жаңашылдығын жоғары бір жаңа сатыға көтерілуін көріп отырмыз. Біздің алдымызда тұрған жаңа мақсат – Конституцияны халыққа түсіндіру.