Саяси реформалар басқару жүйесін жетілдіре түседі

Қазақстан қолға алған реформалар тек басқару жүйесін жетілдіруді ғана емес, қоғам өмірінің барлық саласында тиімді нәтижеге қол жеткізуді көздейді. Бұл өзгерістер елдің дамуына тың серпін беріп, Орталық Азия аймағындағы беделін арттыра түседі,- дейді шетелдік саясаткерлер.

Дмитрий Журавлев, Ресей аймақтық мәселелер институтының ғылыми жетекшісі:

Бірін-бірі қайталайтын функциялар қысқарады. Мәселен, бір палаталы парламент әлемнің көптеген дамыған елдерінде бар. Қазақстан бір палаталы парламентке көшсе, қабылданатын заңдардың уақыты қысқарады. Бұл өте тиімді деп ойлаймын. Қазақстандағы ауқымды өзгерістер қоғам өміріне оң әсер етеді.