Оралда облыстық коалиция мүшелері мен сарапшылар қауымдастығы жаңа Ата заң жобасын талқылады

«Әділетті Қазақстан – қуатты мемлекет». Оралда сарапшылар қауымдастығымен кездескен облыстық коалиция мүшелері осындай тұжырымға келді.

Басқосуға жиналғандар жаңа Конституция жобасына енген нормаларды талқылады. Сарапшылардың сөзінше, жаңартылған Ата заң ел дамуын айқындайды. Ең алдымен, «Күшті Президент – ықпалды Парламент – есеп беретін Үкімет» тұжырымдамасына негізделген. Басты заң елдің егемендігін нығайтуға, қауіпсіздігін қамтамасыз етуге, қоғамды топтастыруға берік құқықтық негіз қалыптастырады. Кездесуде түрлі мекеме өкілдері, қоғамдық ұйым мүшелері, еңбек ардагерлері, белсенді жастар, кәсіпкерлер мен депутаттар әр бапқа қатысты өз ой-пікірлерін ортаға салды.

Азамат Бисенов, кәсіпкер, облыстық Мәслихат депутаты:

«Табиғат қорғау - мемлекетке қажет» деп жазылған. Жаңа Конституцияда ол міндетті болады. Оның айырмашылығы өте көп. Екінші сала - агроөнеркәсіпкерлік. Осы салада үлкен өзгерістер де болады. Біздің Қазақстан байлығы тек табиғи ресурстар ғана емес, ол біздің жеріміз. Сондықтан жаңа Конституция біздің ауыл шаруашылығымызды дамытады.