Басты Жаңалықтар Ақтауда конституциялық реформаны қолдауға арналған жастар форумы өтті

Ақтауда конституциялық реформаны қолдауға арналған жастар форумы өтті

24.02.2026 13:12

Ақтауда конституциялық реформаны қолдауға арналған жастар форумы өтті.

Шараның мақсаты – жаңа Конституция жобасының мазмұнын түсіндіріп, жастардың азаматтық белсенділігін арттыру. Форум барысында спикерлер конституциялық өзгерістердің ел дамуына серпін беретінін атап өтті. Ал жастар өз кезегінде референдумға қатысуға дайын екендерін білдіріп, ел болашағына бейжай қарамайтындарын көрсетті. Шарада патриоттық әндер шырқалып, жастарға ерекше рух сыйлады.

Аружан Бауыржанқызы, студент:

Өз басым жаңа Конституциямен таныстым. Референдумға өзім саналы түрде оң көзқараспен қараймын. Себебі жаңа Конституция жобасында жастарға өте көп мүмкіндік қарастырылған. Білім, ғылым, инновация ұлттық даму стратегиясы ретінде қарастырылған. Бұл біз жастар үшін болашағымызды білімді және саналы ұрпақ ретінде көмегін тигізеді деген ойдамын.