Қазақстан мен Өзбекстан арасында теміржол тасымалы артады

Қазақстан мен Өзбекстан болашақта теміржол тасымалы көлемін 60 млн тоннаға дейін арттыруды көздеп отыр. Бұл – екі елдің сауда-экономикалық байланысын нығайтып, халықаралық транзитті дамытуға ықпал етеді. Қос мемлекет арасында теміржол қатынасын дамытудың стратегиялық маңызы орасан зор. Жалпы, транзиттік әлеуетті арттыру және тасымал көлемін ұлғайтуға қатысты ел Президентінің арнайы тапсырмасы бар. Былтырғы жылдың қорытындысы бойынша екі ел арасындағы теміржол тасымалы көлемі 32,3 млн тоннаны құрады. Бұл 2024 жылмен салыстырғанда 16%-ға жоғары. Алдағы уақытта Дарбаза – Мақтарал учаскесін қамтитын шойын жол құрылысын аяқтау жоспарланып отыр.