Ресеймен шекара маңындағы ынтымақ мәселесі талқыланды

Премьер-министр Олжас Бектенов Ресейдің Орынбор облысының губернаторы Евгений Солнцевпен кездесті. Тараптар сауда, өнеркәсіптік кооперация, көлік-логистика және мәдени-гуманитарлық серіктестікті дамытудың өзекті мәселелерін талқылады. Екі ел байланысын дамытудың негізгі басым бағыттарының бірі ретінде шекаралық аймақтардың ынтымақтастығы аталды. 2025 жылдың қорытындысы бойынша Қазақстан өңірлерінің Орынбор облысымен тауар айналымы 11,2%-ға өсіп, 627 млн долларға жеткен.