Көкшетауда Коалиция мүшелері «Тыныс» ірі машина құрастыру кәсіпорнының еңбек ұжымымен кездесті

Көкшетауда Коалиция мүшелері «Тыныс» ірі машина құрастыру кәсіпорнының еңбек ұжымымен кездесті. Өндірістегі 400-ге жуық жұмысшысы Ата заңның жаңа жобасындағы негізгі бағыттар жайлы құлағдар. Олар әсіресе, «жұмысшылардың еңбек ету құқығы» туралы бапты қолдайды. Себебі, Ата заңның жаңа жобасы әр азаматқа қауіпсіз жағдайда еңбек етіп, лайықты жалақы алуға кепілдік береді дейді мамандар. Кездесуде басты құжаттағы нормалардың бірқатары өндірістегі қауіпті азайтып, еңбекке деген жұмысшылардың қабілеттілігін арттыруды көздейтіні айтылды.

Қайрат Қалманбаев, «Тыныс» акционерлік қоғамының бас директоры:

Конституцияның жаңа жобасын біз көптен бері ұжым болып талқылап жүрміз. Еңбек адамы туралы жазылған Конституция - жаңа новелла. Ол еңбек адамын қорғау туралы, еңбек орнының зиянсыздығы туралы, еңбек орнының талаптарға сәйкес болуы, бұл Конституцияда жеке, анық, нақты жазылған. Сондықтан біз Конституцияны Үкіметтің өсуіне, еліміздің көркеюіне үлкен септігін тиігезі деп кәміл сенеміз.