Үкімет Каспийді зерттеуге және сақтауға 1,1 млрд теңге бөлді

Каспий теңізінің экологиялық тұрақтылығын қамтамасыз ету бағытындағы ғылыми жұмыстарға қолдау күшейтіледі. Президенттің Каспий теңізін кешенді зерттеу және оны сақтау тапсырмасын іске асыру аясында, Үкімет резервінен Каспий теңізі Қазақ ғылыми-зерттеу институтына 1,1 млрд теңге бөлінді. Тиісті қаулыға Премьер-Министрі Олжас Бектенов қол қойды. Бөлінген қаржы институттың ғылыми-техникалық әлеуетін арттыруға бағытталады. Теңіз акваториясында тұрақты мониторинг жүргізуге қажетті заманауи жабдықтар сатып алынып, гидробиологиялық және гидрохимиялық зертханалар жаңа құралдармен жабдықталмақ.