Референдум күні шет мемлекеттерде 80 учаске жұмыс істейді

Референдум күні жырақтағы отандастырымыз да таңдау жасау үшін, шет мемлекеттерде 80 дауыс беру учаскесі жұмыс істейді. Сыртқы істер министрлігі олардың тізімін жариялады. Учаскелер әлемнің 62 елінде ашылады. Дені Азия мен Еуропада орналасқан. Мәселен, Ресейдің 5 қаласында дауыс беруге мүмкіндік бар. Ал Солтүстік Америкада 4 учаске ашылады, үшеуі АҚШ-та орналасады. Оңтүстік Америка мен Африкада да бірнеше дауыс беру орындары жұмыс істейді. Толық тізіммен Сыртқы істер министрлігінің сайтынан танысуға болады.