Кісі өліміне күдікті Индонезияда қолға түсті

Атырау облысы Қызылқоға ауданы Жангелдин ауылында ерлі-зайыптыларды өлтірді деген күдікті Индонезияда ұсталды. Марқұмдардың күйеу баласын ІІМ қызметкерлері шетелдік әріптестерімен бірлесе іздеп, нәтижесінде Ломбок аралындағы Сенару ауылында қолға түсірді. Онымен бірге бұған дейін хабар-ошарсыз кеткен жұбайы да ұсталды. Қазір оларды елге депортациялау мәселесі қарастырылып жатыр делінген ішкі істер министрлігі таратқан ақпаратта.