Қостанай облысында қызылша өршіді

Қостанай облысында балалар арасында қызылша өршіп тұр. Небәрі соңғы екі айда 153 дерек тіркелді.  Көрсеткіш күрт өскен. Мысалы, былтыр бір жылдың ішінде  тек 52 бала ауырған. Мамандардың мәлімдеуінше, науқастардың 90 пайызы екпе алмағандар. Сондықтан дәрігерлер қауіпті дерттен сақтанудың жалғыз жолы – вакцинация екенін ескертеді. Қазір облыста эпидахуалды тұрақтандыру үшін инфекцияға қарсы иммундау жүріп жатыр.

Айдана Бүркітбаева, облыстық Денсаулық сақтау басқармасы басшысының орынбасары:

Қызылша асқынса, созылмалы бронхит, өкпенің қабынуы, минингит сынды қауіпті ауруларға әкеп соғады. Егер баланың бұдан басқа да диагнозы болса, жағдай күрделенуі мүмкін. Бүгінде облыстық балалар ауруханасында 25 науқас жатыр, үшеуінің жағдайы ауыр. Бір бала жансақтау бөліміне түсті. Бөлімшедегі науқастар оқшауланды.