АҚШ-тың мемлекеттік хатшысы Иранға қатысты мәлімдеме жасады

АҚШ-тың мемлекеттік хатшысы Марко Рубио Иран құрлықаралық баллистикалық зымыран жасауға әрекеттеніп жатыр деп мәлімдеді. Дипломаттың сөзінше, бүгін Женевада өтетін келіссөздердің үшінші раунды Тегеранның ядролық бағдарламасы төңірегінде болмақ. Рубио Иран Құрама Штаттарға қауіп төндіріп тұр деп мәлімдеді. Ал Иранның сыртқы істер министрі АҚШ-пен әділ келісімге қол жеткізу мүмкін екенін айтты. Аббас Арагчи «Иран талаптарға құлақ асуға дайын, алайда ел технологияларды бейбіт мақсатта пайдалану құқығынан бас тартпайды» деп мәлімдеді.