Ташкентте референдум учаскесі құрылды

Өзбекстан Республикасындағы Қазақстан елшілігі жанынан №431 референдум учаскесі құрылды. Қазір көрші елде тұратын немесе жұмыс бабымен жүрген, дауыс беруге қатысуға құқығы бар азаматтардың тізімі жасалуда.

Референдум учаскесі 15 наурыз күні таңғы сағат 07.00-ден кешкі 20.00-ге дейін жұмыс істейді. Осы аралықта 18 жасқа толған, белсенді сайлау құқығына ие Қазақстан Республикасының әрбір азаматы дауыс бере алады. Өзбекстан аумағында тұрақты немесе уақытша тұратын отандастарымыз дауыс берушілер тізіміне енгізіледі. Олар алдын ала өз деректерін «Референдум – 2026» белгісімен  kazconsul_tash@mfa.kz  электронды поштасына жолдауы қажет.