ITMLab ұлттық жобасының екінші маусымы аяқталды

Мүгедектігі бар адамдардың өмір сапасын жақсартатын технологияларды әзірлеуге арналған ITMLab ұлттық жобасының екінші маусымы аяқталды. Бағдарлама ITeachMe қорының бастамасымен, Еңбек және халықты әлеуметтік қорғау министрлігі қолдауымен жүзеге асырылды. Финалда әр өңірден келген 10 команда дайын әрі сынақтан өткен технологиялық шешімдерін таныстырды. Олар ITMLab алаңы арқылы өз бастамаларын дамыту үшін инвесторлар табуға және әзірлеген өнімдерін алдағы уақытта нарыққа шығаруға мүмкіндік алады. Қатысушылар алдын ала іріктеуден өтіп, жобаларын дамыту үшін 600 мың теңгенің грантына ие болған.

Асқарбек Ертаев, Еңбек және халықты әлеуметтік қорғау министрі:

Бүгінгі күні мүгедектігі бар адамдарға жаңадан технологиялық шешімдер аз. Соны көбейту жағынан біз осындай жыл сайын әр облыстардан шақырып, келіп осындай шараларды жасаймыз. Соларды енді қолдап тек грант емес, жалпы менторлық көмекті көрсетеміз. Менторлық көмек деген ол ары қарай іске жүзеге асыру жағынан көмегін жасаймыз. Ол үшін біз деген жұмыс берушілерді де шақырамыз осындай шараларға. Олар да өз жағынан қарап, сондай жастарды тартады.

Қанат Тәжіхан, «Umit» жобасының авторы:

Әзірлеуге 1 жыл уақыт кетті. Брекеттен кейін киілетін капаларды, яғни біз сол технологияны алып, соларға датчик, сенсорларды салып қаптаймыз. Ал ішіндегі датчик, сенсорлар, аккумуляторлар арнайы сондай материалдар таңдалған адамға зиян келтірмес үшін... және де біз қазіргі таңда жаңа өнім ретінде шығардық. Енді оңалту орталықтарына, тестілу орталықтарына барып оларға беріп лицензия алатын боламыз.