Сербия Президенті Астанаға ресми сапармен келді

Мемлекет басшысы Қасым-Жомарт Тоқаевтың шақыруымен Қазақстанға Сербия Президенті келді. Әуежайдан Александр Вучичті Премьер-министр Олжас Бектенов қарсы алды. Ресми сапар аясында саяси диалогты одан әрі нығайту, сауда-экономикалық байланыстарды және мәдени-гуманитарлық өзара іс-қимылды кеңейту мәселелері бойынша жоғары деңгейдегі келіссөздер жоспарланған. Сербия – Қазақстанның Балқан түбегіндегі сенімді серіктесі. Өткен жылдың қорытындысы бойынша екі ел арасындағы тауар айналымы 7,5 пайызға өсіп, 107 млн доллардан асты.