Көрші елдегі қандастар қолдау танытты

Реформаларды Өзбекстандағы қандастарымыз да қолдап отыр. Жаңа Конституция жобасында «Әділетті Қазақстан» ұғымы мен «Заң үстемдігі» қағидасы басты бағыт ретінде белгіленгенін айрықша атап өтті. Сондай-ақ білім мен ғылымды дамыту, жастарды қолдау мәселелеріне баса мән берілгені аса құптарлық, дейді олар. Атажұрттағы әр жетістікке қуанатын ағайын жас буын немерелерінің болашағын елмен байланыстырады.  

Дамир Қалдыбаев, Ташкент облыстық қазақ ұлттық-мәдени орталығының төрағасы:

Қазақстанға біз әрқашан табыс пен үлкен жетістіктер тілейміз. Жастарымыз келешекте білімді болып, жасанды интеллект, инновация сынды жаңашылдықтарды меңгеріп, Қазақстанды экономикалық саяси жағынан дүниежүзінде жоғары орындарға көтереді деген ниетіміз бар.