Жалпыұлттық коалиция мүшелері кәсіпорын жұмысшыларымен кездесті

«Әділетті әрі Прогрессивті Қазақстанның Халықтық Конституциясы үшін» жалпыұлттық коалициясының мүшелері Ақтөбедегі ұн және макарон өнімдерін шығаратын кәсіпорынға барды.
Мұнда жұмысшылармен кездесіп, Жаңа Конституция жобасының ерекшеліктері туралы айтты. Құжатта елдің бірлігі мен ортақ жауапкершілігі басты қағидалардың бірі ретінде айқындалған. Бұл норма ел азаматтарының ұлтына, тіліне, дініне қарамастан тең құқықты екенін және ортақ мақсат жолында топтасқанын білдіреді, дейді коалиция мүшелері. Ал кәсіпорын қызметкерлері жаңа Конституция жобасымен танысып шыққанын және ел болашағы үшін әрбір оң бастаманы қолдауға дайын екенін жеткізді.
Аслан Иманғазин, өндіріс директоры:

Әлемде болып жатқан әртүрлі дағдарыстарға байланысты 30 жыл бұрын жазылған Конституциямыз ескірді, сондықтан әлемнің ағымына байланысты өзгертуіміз керек. Халықтың жағдайын жақсартуға байланысты.