Ақордада Сербия Президентін қарсы алу рәсімі өтті

Ақордада Сербия Президенті Александр Вучичті салтанатты қарсы алу рәсімі өтті. Мемлекеттер басшылары бір-біріне делегация мүшелерін таныстырды. Құрмет қарауылы ротасының бастығы рапорт берген соң, екі елдің әнұраны шырқалды. Содан кейін Қазақстан мен Сербия Президенттері келіссөз залына барды. Александр Вучич Мемлекет басшысы Қасым-Жомарт Тоқаевтың шақыруымен елімізге ресми сапармен келді. Сербия – Қазақстанның Балқан түбегіндегі сенімді серіктесі. Өткен жылдың қорытындысы бойынша екі ел арасындағы тауар айналымы жеті жарым пайызға өсіп, 107 млн доллардан асты.