Иран-АҚШ келіссөздерінің үшінші раунды аяқталды

Женевада Иран-АҚШ келіссөздерінің үшінші раунды өтті. Оман сыртқы істер министрінің мәлімдеуінше, кездесу аяқталды, нақты нәтиже болмағанымен, келісім жасалады деген үміт бар. 

Иран сыртқы істер министрі Аббас Аракчидің сөзінше, келіссөздердің келесі раунды бір апта ішінде өтуі керек.

Айта кетсек, Вашингтон Тегераннан ядролық бағдарламадан бас тартуды талап етіп, Ислам Республикасы төңірегіне әскер жинап жатыр. Иран болса, өзінің атомдық өнеркәсібінің бейбіт мақсатты көздейтінін алға тартып, оны тоқтатуға келіспей отыр.