Сарапшы: Жаңа Конституция – құқық пен әлеуметтік даму кепілі

Жаңа Конституция жобасының басты бағыты ретінде білім мен ғылым, мәдениет пен инновация айқындалды. Бас құжатта мемлекеттің стратегиялық мақсаты, азаматтың қадір-қасиеті мен қоғам мүддесі өзара үйлесім тапқан. «Сарап» клубында бас қосқан зерттеушілер осылай деді. Олардың айтуынша, Ата заң жобасындағы жаңашылдық ұлттық бірегейлікті нығайтуға, ең бастысы, мәдени мұрамызды келер ұрпаққа аманаттауға жол ашады. «Қазіргі күні қоғам үлкен өзгерістің алдында тұр. Сондықтан алдағы референдумда әр азамат өз ұстанымын білдіріп, таңдау жасауы қажет» дейді сарапшылар.

Жақсыбек Жиенәлиев,сарапшы:

Қазіргі Ата заңда адами капитал мемлекеттің алдағы дамуының басты ресурсы ретінде қаралып отыр. Қазіргі кезде өнер, ғылым және де әртүрлі салалар бойынша азаматтарымыздың еңбектері Конституциялық деңгейде қорғалайын деп отыр. Бұл жалпы алдағы уақытта осы бағыттарды дамытуға септігін тигізеді және серпін береді деп ойлаймын.