Тікелей рейстер артатын болды

Биыл елде тікелей рейстердің саны көбейеді. Енді Шымкенттен Бішкекке, Санкт-Петербургке, Тель-Авивке аялдамасыз сапар шегуге болады. Алматыдан Токиоға, Шанхайға, Ларнакаға, Даламанға, Астанадан Гуанчжоуға және Омандағы Салалаға тікелей ұша аласыз. Бұдан бөлек, Азаматтық авиация комитетінің мәліметінше, Ақтаудан Үрімшіге жаңа бағыт ашылмақ. Еске салсақ, бұған дейін АҚШ–қа  тікелей рейс жыл соңына дейін іске қосылатыны айтылған еді. Елге Boeing 787 Dreamliner ұшақтары жеткізілмек.