Біржолғы әлеуметтік төлем берілетіні туралы жалған ақпарат тарады

«Табысы 232 мың теңгеден төмен отбасылар мен белгілі бір сырқаты бар адамдарға 432 мың 500 теңге мөлшерінде біржолғы төлем тағайындалады».

Әлеуметтік желілерде тараған дәл осы ақпарат – жалған, - дейді Еңбек және халықты әлеуметтік қорғау министрлігі. Айтуларынша, қолданыстағы заңнамада мұндай әлеуметтік төлем қарастырылмаған. Мұндай хабарламаларды көбіне алаяқтар жеке деректерге қол жеткізу мақсатында пайдаланатынын ескертті. Ведомство өкілдері, мемлекеттік қолдау шаралары туралы ресми мәліметтер тек 1414 нөмірінен SMS-хабарламалар арқылы жіберіледі, сондай-ақ мемлекеттік органдардың ресми интернет-ресурстарында ғана жарияланатынын ескертеді. Ал жалған ақпарат таратқандар жауапкершілікке тартылатынын жеткізді.