Қорғаныс министрлігі атынан тараған ақпарат – жалған

Тағы бір фейк ақпарат. Қорғаныс министрінің еліміздің әуе кеңістігі арқылы өзге мемлекеттер ұшағының ұшып өтуіне қатысты мәлімдемесі бейнеролик түрінде тарады. Министрлік бейнематериалдың жалған екенін хабарлайды. Видео жасанды интеллект технологияларын қолдану арқылы жасалған деп отыр. Министрлік тек ресми дереккөздерге сенуге және тексерілмеген ақпаратты таратпауды сұрайды. Қолданыстағы заңнамаға сәйкес жалған ақпарат тарату жауапкершілікке әкеп соғатынын да еске салады.