Сербия президенті Alem.AI орталығына барды

Ақордадан кейін Сербия Президенті Александр Вучич «Астана» халықаралық қаржы орталығына және Alem.AI халықаралық жасанды интеллект орталығына барды. Alem.AI орталығында Қазақстанның цифрлық саланы және ЖИ-технологияларды дамытуға бағытталған жүйелі тәсілдерімен танысты. Сербия Президентінің назарына отандық әзірлемелер мен жасанды интеллект-стартаптар ұсынылды. Сондай-ақ, басқа да қазақстандық ірі стартаптар таныстырылды. Жалпы, қазіргі уақытта еліміздің айти жобаларына деген қызығушылық әлем бойынша артып келеді.

Данияр Ерматов, «Ustem» қоғамдық қорының қызметкері:

Негізі Еуропадан қызығушылық бар. Бүкіл әлем қарап жатыр. Көбіне Еуропа, Қытай, Америка. Біздің балалар өте қарқынды дамып жатыр. Программалау, ЖИ , ғылыми жұмыста көп елдерден озып жатыр.