Қостанай облысында адасқан балықшыны ажалдан арашалап қалды

Қостанай облысының Ұзынкөл ауданында ауыл полициясы балық аулауға шығып, адасып кеткен 75 жастағы қарияны құтқарып қалды.

Жолдан жаңылған қарт кісі 7 сағаттан артық қақаған аязда ай далада жалғыз қалған. Хабарсыз кеткен әкесіне алаңдаған қызы дереу учаскелік полицияға қоңырау шалады. Инспектор қара суықта 3 сағат дала кезіп, қамыс арасынан ес-түссіз жатқан ауыл тұрғынын тауып алады. Қарт балықшы аудан орталығындағы ауруханаға ауыр хәдде жеткізіледі. Балықшының туғандары  полиция қызметкері Арман Райымбеков әкемізге екінші өмір сыйлады дейді.

Маргарита Хаврева, Ұзынкөл ауданының тұрғыны:

Әкемді құтқарып қалған инспекторға рақмет. Іздеуге көмектескен ауыл тұрғындарына да разымын. Дер кезінде ем көрсеткен дәрігерлерге де мың алғыс!   Қазір  әкем жанымда, дін аман!