Түлкібаста 1500 түп көшет екті

Түркістан облысының Түлкібас ауданында «Таза Қазақстан» бағдарламасы аясында 1500 түп ағаш көшеті отырғызылды. Игі іс аудан орталығындағы «Жанкент» саябағында ұйымдастырылды. Шараға этномәдени орталықтардың төрағалары мен қоғамдық ұйым мүшелері, Аналар кеңесінің мүшелері мен ардагерлер қатысып, 100 түп емен ағашының көшетін отырғызды. Игі шараға 15 ауылдық округте қосылып, 1500 түп көшет екті. Аталған іс-шара ауылдық жерді абаттандыру мен экологиялық мәдениетті қалыптастыру, табиғатты қорғау және ұлтаралық достықты нығайту мақсатында өткізілді. Жалпы, биыл аудан аумағын көгалдандыру мақсатында 63 мың түп көшет отырғызылмақ. 

Жұрат Анаров, Түлкібас аудандық өзбек этно-мәдени бірлестігінің төрағасы:

Барша ұлт этнос өкілдері ақсақалдармен бірлесе келіп, осы паркке міне ағаш ектік. Құдай қаласа осы ағаштарымыз көгеріп, ауданымыздың жастарына пайдасы тиеді деген мақсатымыз бар.