Енді әкімдік те айыппұл сала алады

Енді қоғамдық орынды ластаған азаматтарға жергілікті әкімдік те айыппұл сала алады. Бүгіннен бастап Әкімшілік құқықбұзушылық туралы кодекске енгізілген өзгерістер күшіне енді. Бұған дейін мұндай құзірет тек полиция органдарында ғана болған. Жаңа тәртіпке сәйкес, заңсыз қоқыс тастаған, жасыл желектерді бүлдірген немесе қала инфрақұрылымына зиян келтірген тұрғындарға әкімдік қызметкері полицияны күтпей-ақ жауапкершілікке тарта алады.

Еске салсақ, былтыр тазалық талаптарын бұзған 591 мыңнан астам адамға 5,2 миллиард теңге айыппұл салынған.