Омандағы отандастарымызды елге әкелу үшін екі борт ұшып шықты

Алматыдан Оманға қазақстандықтарды эвакуациялау үшін кеше кешкісін екі арнайы борт ұшып кетті. Масқат қаласына бет алған қос ұшақ екі рейс орындап, 467 отандасымызды елге жеткізеді. Қазір Сыртқы істер министрлігі күшейтілген режимде жұмыс істеп, өңірдегі дипломаттар жағдайды тәулік бойы бақылауға алған. Әуе кеңістігінің жабылуына байланысты бірқатар рейс тоқтатылған. Сыртқы істер министрлігі азаматтарға сабыр сақтауға, жергілікті билік талаптарын орындауға және ресми ақпарат көздерін қадағалап отыруға шақырады.