Шымкентте 400 баллон азот тотығы тәркіленді

Шымкентте тыйым салынған азот тотығын сатқан 10 мекеме анықталды. Иелері жауапқа тартылды. Жыл басынан бері тәртіп сақшылары жүргізген рейдтік шаралар барысында азот тотығын сатқан ойын-сауық орындары анықталып, олардың бәрінің жұмысы тоқтатылды. Тексеру кезінде 400-ден астам баллон тәркіленіп, қауіпті заттар заңсыз айналымнан алынды. Психоактивті зат оттегінің жетіспеушілігін туғызуы мүмкін. Кейде адам өліміне әкеп соқтырады.

Бауыржан Қарбеков, Есірткі қылмысына қарсы іс-қимыл басқармасының  аға жедел уәкілі:

Азот тотығының заңсыз айналымы үшін қылмыстық жауапкершілік көзделген. Аталған әрекетті жасаған кінәлі тұлғаға 5 жылға дейінгі мерзімге бас бостандығынан шектеу немесе сол мерзімге бас бостандығынан айыру жазасы қарастырылған.