Жидда қаласынан тағы 180 отандасымыз елге оралды

Атырауға Жидда қаласынан тағы 180 отандасымыз жеткізілді. Кеше Таяу Шығыстағы шиеленіскен жағдайға байланысты жерлестерімізді елге қайтару үшін бесінші ұшақ аттанған еді. Бүгін сағат таңғы 5-те борт Атырау әуежайына келіп қонды. Азаматтардың басым бөлігі Катар елінде демалыста жүрген. Әуелі Доха қаласынан Эр-Рияд қаласына, кейін одан әрі Жиддаға автобуспен 30 сағат жүріп келген. Содан соң ұшақ арқылы елге аман-есен жетті. 2 сағаттан кейін әрі қарай Алматы қаласына жетті.
Гүлзипа Бегімбаева, Тараз қаласының тұрғыны:

28-і күні түстен кейін басталды ғой дүмпу. Сонымен қонақ үйде жаттық. Ертесіне консулдарға айтылды. Солар келіп, басқа жерге апарып жайғастырды. Қатты қорықтық.

Қорқыныш болды әрине. Бірақ осылай елшілігіміздің арқасында елге оралдық.