Конституциялық жоба – әділетті қоғамның негізі

Жаңа конституциялық жоба – әділетті қоғам құрудың берік іргетасы. Маңызды құжатта заң үстемдігі мен тұрғындардың құқығы және бостандығын қорғау мәселелері жан-жақты қарастырылған. Бұл туралы Талдықорғанда өткен «Заң мен тәртіп» қағидатына арналған жиында айтылды. Кездесуде құқық қорғау органдарының өкілдері студенттермен жүздесіп, заң талаптарын сақтау, құқықтық мәдениетті қалыптастыру жайын талқылады. Сондай-ақ жастардың құқықтық сауатын арттыру үшін оқу орнында «Заң мен тәртіп» бұрышы салтанатты түрде ашылды. Онда құқықтық білімге арналған арнайы әдебиеттер мен танымдық кітаптар ұсынылған.

Тәртіпке бағынған құл болмас деп Бауыржан Момышұлы атамыз айтқан. Сондықтан біз жастарымыздың бүгінгі таңда заң мен тәртіп қағидаларын сақтап, олардың тек қана білім мен ғылым алып қоймай, толыққанды тұлға, азамат ретінде қалыптасуына ерекше көңіл бөлудеміз.