Шымкентте «Таза Қазақстан – ортақ үйіміз» дөңгелек үстелі өтті

Шымкенттегі Азимед медициналық колледжінде «Таза Қазақстан – ортақ үйіміз» тақырыбында дөңгелек үстел өтті. Жиында студенттер қаланы тазалау, көгалдандыру және жасыл аймақтар құру бойынша идеяларын ортаға салды. Іс-шара барысында экологиялық мәдениетті қалыптастыру және табиғатты қорғау мәселелеріне жастардың белсенді қатысуының маңызы айтылды. Сонымен қатар студенттерге волонтерлік қызметтің қоғамға және жеке тұлғаның дамуына тигізетін пайдасы туралы да кеңінен ақпарат берілді.

Анар Көшкенбайқызы, оқытушы:

Табиғатты таза ұстау әр азаматтың міндеті болу керек. Себебі қоршаған орта біздің денсаулығымыздың, болашағымыздың кепілі болып табылады. Егер бүгін біз табиғатқа жанашырлықпен қарамасақ, ертең оның зардабын өзіміз тартатын боламыз.