Жәңгір ханға тиесілі қолжазба табылды

Татарстанда Жәңгір ханға тиесілі мұсылман Құқықтану туралы қолжазба кітабы табылды. Бұл қолжазбаның Жәңгір ханға тиесілі екенін мөрінен байқауға болады дейді, мамандар. Жалпы татар ғалымдары соңғы 30 жыл бойы экспедицияға шығып, қазақ тіліндегі баспа басылымдарын, оның ішінде қазақ балаларына арналған балалар әдебиеті, қиссалар мен дастандарды көптеп кездестіргенін айтады. Соңғы жылы Семей қаласында 1925 жылы шығарылған «Таң», «Яш Түрістан» журналының 69-нөмірі және Қызылордада жарық көрген «Қызыл Қазақстан» журналдары да табылды. Мамандардың айтуынша, зерттеу жұмыстары әлі де жалғасады.

Айрат Загидуллин, Татарстан республикасы ұлттық кітапханасының бөлім меңгерушісі:

Татар жерінде қазақ тіліндегі қолжазба, кітаптар, журналардың табылуы татар халқына қазақ шығармалары қызық болғанын дәлелдейді. Жәңгір ханға тиесілі түпнұсқа қолжазба да қазақ тілінде жазылған. Оның көптеген қолжазбаларын Қазан императорына сыйлағанын да білеміз. Жалпы біздің мұрағатта 40 мыңға жуық сирек кездесетін кітап, қолжазба бар.