Олжас Бектенов Көкшетау теміржол вокзалын жаңғырту барысын тексерді

Премьер-министр Олжас Бектенов Көкшетау қаласының теміржол вокзалын реконструкциялау жұмыстарымен танысты. Ғимарат 1981 жылы салынған, соңғы күрделі жөндеу жұмыстары 20 жыл бұрын жүргізілген. Қазір құрылыс-монтаждау жұмыстары 93%-ға аяқталып, ішкі әрлеу, жабдықтарды орнату жүргізілуде. Негізгі міндет – ғимараттың тарихи келбетін сақтай отырып, заманауи материалдарды пайдалану. Олжас Бектенов Мемлекет басшысы еліміздің көлік жүйесін дамыту мәселелеріне ерекше көңіл бөліп отырғанын атап өтті. Жалпы, Ақмола облысы бойынша 16 нысан жаңғыртылды, бұл – республикадағы ең жоғары көрсеткіш.