Қостанайда референдум қарсаңында салааралық диалог өтті

Қостанайда референдум қарсаңында жергілікті атқарушы органдар мен кәсіпкерлер, өндіріс өкілдері бас қосып, өңірдің экономикасы жөнінде ашық диалог құрды. Бүгінде облыста 2 трлн теңгеден аса қаражатқа 80-ге жуық инвестициялық жоба жүзеге асып жатыр. Соның арқасында шамамен 3000-ға жуық жаңа жұмыс орны ашылады. Соңғы жылдары аграрлы аймақта көлік құрастыру, автокомпоненттерді локализациялау саласы да қарқынды дамып келеді.

Қырмызы Жаңбыршина, облыстық мәслихат депутаты:

Өңірдің экономикалық өсім пайызы соңғы жылдары 8 пайыз көлемінде сақталып отыр. Ал шығарылатын өнімдеріміздің көлемі 6 трлн-нан асып отыр. Өнеркәсіп, бизнес, ауылшаруашылығы, мемлекет бәрі бірігіп жұмыс істесе, өңіріміздің экономикасы, әлеуметтік жайы дамитын болады. Жаңа жұмыс орындары ашылады. Бұл дегеніміз салааралық диалогтың айқын көрінісі.